Velkommen til 
Alver Høgre

Kjære veljar

Som ordførerkandidat for Alver Høgre, ber eg om dykkar tillit til å leie kommunen vår inn i framtida. 

Me står overfor store utfordringar, med ein trang økonomi og ein skule som ikkje har utvikla seg i positiv retning.  Eg trur at me saman kan utvikle Alver kommune til å bli ein endå betre kommune å bu og leva i. Me vil at skulane i Alver skal være mellom dei beste i landet. Me forventar ei positiv utvikling etter år med stillstand i Alver-skulen, og vil arbeide hardt for å sikre at elevane våre får den utdanninga dei treng for å lykkast i livet.

Næringsutvikling er også ein viktig del av vår visjon for kommunen. Me vil vere ein tilretteleggar og være ein ja-kommune, som ønskjer å leggje til rette for nye idear og samarbeid med næringslivet og andre viktige aktørar. Dette er noko mange parti seier, men Høgre har gjennom denne perioden vist at me evnar å strekke oss langt for å realisere  næringslivet og innbyggjarane sine ønskje gjennom handling og vedtak.

Kultur og frivilligheit er avgjerande for å skape eit godt samfunn. Vi vil støtte opp om kulturtilboda i kommunen vår, og arbeide for å leggje til rette for at frivillige organisasjonar kan blomstre og utføre viktige oppgåver.

Me vert stadig fleire eldre, også i Alver. Det er positivt, men vil også innebære ei stor satsing frå kommunen si side.  Me vil prioritere eldreomsorg og arbeide for å sikre at våre eldre innbyggjarar får den omsorga og støtta dei treng for å leve eit godt og verdig liv. 

Eg vil avslutte med å seie at eg er stolt av å representere Alver Høgre, og eg lovar å arbeide hardt for å realisere våre visjonar for kommunen vår. Eg ber om dykkar tillit til å leie Alver kommune inn i ei lysare framtid.